මලයාලම් චිත්රපට බලන ඇත්තො ඉන්නවනේ. එහෙමත් නොකිය මෙහෙම කියමු. "මලයාලම් ආදරවන්තයො". ඔය Hollywood, Bollywood, Kollywood ඔය ඕන තරම් චිත්රපට ආවත් මලයාලම් එක චිත්රපටයක් බැලුවොත් නිතැතින්ම ඔහු මලයාලම් භාෂාවට පවා පෙම්බඳින්නෙක් වෙනව. මමත් එහෙම කෙනෙක්. මාව විශ්වාස නැත්තම් "Premam" "Charlie" මෙන්න මේ චිත්රපට දෙක විතරක් බලන්නකො. හරි අද කතාව මලයාලම් චිත්රපට ගැන නන් නෙමෙයි. මලයාලම් චිත්රපට බොහෝමයකට දර්ශන තලය වෙච්ච, මලයාලම් කතාකරන ඈයෝ ඉන්න ඉන්දියාවේ පරාදීසය "කේරලය" ගැනයි. කේරලය සැබැවින්ම පාරාදීසයක්. ඇවිදින්නෙකුගෙ එක සිහින ගමනාන්තයක්. අපි අද කතා කරමු කේරලය ගැන,
"වැස්ස" , මලයාලම් චිත්රපට වලින් වැස්ස කියන දේ හරි අපූරුවට අපේ හිත් වලට කා වද්දනවනේ. හැබැයි චිත්රපට වලදි වගේම කේරලය තමා මුලු ඉන්දියාවෙන්ම වැසි කාලයේදී මුල්ම වැසි පොද ලබන වාසනාවන්ත භූමිය. ඒකත් හරි පුදුමයි නේද?
කේරලයෙ හින්දු ආගම තමා ප්රධානම. ලොකේ ධනවත්ම කෝවිල විදියට සැලකෙන පද්මබාස්වාමි (Padmanabhaswamy temple) කෝවිල පිහිටන්නෙත් කේරලයේ. මේ ධනවත්කම මැන බලන්නෙ කෝවිල සතු රත්තරන් සහ මැණික් ප්රමාණය අනුවයි. එ්කත් පුදුමයක් නෙමෙයි. කේරලයෙ මිනිස්සු රත්තරන් වලට හරි ආදරෙයි. ඉන්දියාවේ වැඩිම රත්තරන් ආභරණ පලඳින්නෙ මලයාලම් මිනිස්සු.
දේශිය ආයූර්වේදය අතිනුත් කේරලය හරි ඉහල තැනක ඉන්නවා. කේරලය මෙතරම් ලස්සන වෙන්න තවත් හේතුවක් තමා මලයාලම් කෙල්ලො. මලයාලම් චිත්රපට බලන අයට නන් ඕක ගැන කියන්න දෙයක් නෑනේ. ඇත්තටම කේරලයෙ පිරිමින්ට සාපේක්ෂව ගැහැණු පිරිස වැඩියි. ඔන්න මලයාලම් කෙල්ලෙක් ගැන බලාපොරොත්තුවක් එහෙම තියනවනන්..???
කේරලයෙ හින්දු ආගම ප්රධාන වුනාට බොහෝ අාගම් හදහන මිනිස්සු එකට ජීවත්වෙන තැනක්. මෙන්න මේ විවිධත්වය නිසාම කේරලයේ බොහෝ වේලාවට විවිධ උත්සව පැවැත්වෙනව හැම වේලාවෙම. ඉතිං කේරලය ගොඩක් වේලාවට උත්සවශ්රීයෙන් තමා ඉන්නෙ.
ඉහලම සාක්ෂරතාව සතු ප්රාන්තයත් මේ කේරලයමයි. ඉගෙනීම, සාමකාමීත්වය, සුන්දර බව මෙන්න මේ හින්දම මලයාලම් මිනිස්සු හරි සතුටෙන් ඉන්න කට්ටියක්. මේක මේ චිත්රපට බලල කියන කතාවක් නෙමේ. මලයාලම් මිනිස්සු ඉහල අායු අපේක්ෂාවක් තියන මිනිස්සු. අනික මෙච්චර ලස්සන සුන්දර තැනක සතුටින් ඉන්නකොට කාටද ආකාලේ මැරෙන්න තියෙන්නෙ. මේ මිනිස්සු සතුට්න් ඉන්නව කියන්නෙ හොඳට කන බොන අය. ආයේ දෙකක් නෑ. කනව බොනව කියන්නෙ ඉන්දියාවේ හොඳම කුලුබඩු වගේම කේරලයේ කෑමත් හරිම ප්රසිද්ධයි. කෑම විතරක් යෑ. ඉන්දියාවේ වැඩිම ඇල්කොහොල් භාවිතයත් වාර්තාවෙන්නෙ මේ කේරලයෙන්මයි. තැබෑරුම් 337 ක් කේරලයෙ තියනව කියල තමා ගගන් බලල තියෙන්නෙ. මට නන් ඒක පුදුමයක් නෙමේ. මලයාලම් Film වල වගේ වහින වේලාවක ගඟක් ගාව නැත්තන් පරණ ගෙයක් ගාවට වෙලා මධුවිතකින් සප්පායම් වෙන එක මාරම අත්දැකීමක්. මේ මලයාලම් මිනිස්සු ගොඩ වේලාවට ඒ අත්දැකීම විඳිනව ඇති.
දැකල ඇතිනෙ මලයාලම් චිත්රපට වල දර්ශන අතරේ පොල් ගස් නැති තැනක් නෑනේ. ඇත්ත කේරලයේ වැඩියෙන්ම තියෙන්නෙ පොල් ගස්. සරුසාර පොල් වතු, ඒ මැද්දෙන් ගලන පොඩි දිය පාරවල් කේරලයෙ හැමතැනම තියනවා.
මේ කේරලය ගැන පොඩ්ඩක් විතරයි, ඇත්තටම කේරලය ලංකාවට හරි සමානයි. මං දන්නෑ මට එහෙම හිතෙනවා. කේරලය එක පාරක් හරි යන්නම ඕන තැනක්. අපි යමු. මලයාලම් මිනිස්සු හම්බෙන්න, කේරල කෑම කන්න, අපි දවසක යමු කේරලයට අනිවාර්යයෙන්ම..! ඉතිං..? ඊටකලින්,
ඔබත් වෙන්න "මලයාලම් ආදරවන්තයෙක්"
- බුද්ධික විජේවර්ධන
Comments
Post a Comment