( The Scream )
මොකක්ද මේ අරැම පුදුම කතාව? අපි නොදත් චිත්රයක අරුම පුදුම කතාව..?
ඉහත රෑපය.. Whatsapp, Facebook හැම තැනකම තියන ජනප්රිය Emoji ය. මේ Emoji ය පිටිපස්සෙ හරි අරුම පුදුම කතාවක්, කලා ලෝකයේ විශිෂ්ට නිර්මාණයක් තියනවා කීවොත් ඔබ පුදුම වෙයි අනිවාර්යයෙන්ම..
Edvard Munch විසින් 1893 අඳිනු ලබන The Scream ( මොරගෑම ) යනුවෙන් හඳුන්වනු ලබන මේ චිත්රය නූතන කලාව තුල විශිෂ්ට සලකුණක් තබනවා..
( Edward Munch - විකිපීඩියා ඇසුරිනි )
( The Scream පැස්ටල් සිතුවම )
Arthur Lubow ට අනුව ( ජනමාධ්ය වේදී ) The Scream යනු නූතන සාහිත්යයේ මෝනාලීස යි. Edward පවසන විදියට තමන්ගෙ වචනවලින්ම මේ චිත්රය ඇඳීමට පාදක වෙන්නෙ මේ වගේ අදහසක්..
" එක හැන්දෑවක මම පාරක ඇවිදගෙන යනවා.. එක පැත්තක නගරයත් අනිත් පැත්තෙ කඳු අතරෙහි වූ පටු කලපුවත් තියනවා.. මට මහන්සියක් දැනෙනවා. මම නතරවෙලා බලනවා කලපුව දිහා..! අහසෙ වලාකුලු ලේ රතු පාටට හැරිලා..! මට දැනෙනවා පරිසරේම මොර දෙනවා ඇහෙනවා වගේ..."
චිත්රය පිලිබඳ පර්යෙෂකයන් පිරිසකට අනුව Edward ගේ මේ චිත්රයට පාදක වෙන පරිසරය පිහිටන්නෙ නොර්වේ රාජ්යයේ ඔස්ලො ප්දේශයෙයි.. තවත් පර්යේෂකයන් පිරිසකට මේ චිත්රයට පාදක වෙන පසුබිම වෙන්නෙ 1883 දී ඇති වෙච්ච Krakatoa ගිනි කඳු පිපිරුමෙන් පසුකාලීනව ඇතිවෙච්ච රතු පාට වලාකුලුයි.. නමුත් මේ තර්කය බොහෝ දෙනෙක් බැහැර කරනවා..
තවද Robert Rosenblum ට අනුව චිත්රයේ සිටින මොරගාන රුව Edward 1889 යේදී දැකපු මමියක රූපයක්.. නමුත් මේ තර්කයද බොහෝවිට බැහැර කෙරෙනවා..!
කෙසේ හෝ නූතන කලාව තුල විශිෂ්ට තැනක් උසුලන මෙම චිත්රයේ සඳහන් තම අත් වලින් දෙසවන් වසා සිටින රුව බොහෝ චිත්රපට වලට නාට්යමලා වලට , බොහෝ චිත්රවලට, Emoji වලට පාදක වෙන ප්රතිමූර්තියක් බවට පත් වෙනවා..! එයට හේතුව විදියට සඳහන් වන්නෙ මෙම මුහුණින් ගැබ්ව ඇත්තෙ නූතනයේ මිනිසෙකු සතු අවුල් සහගත බවයි..!
Edward Munch විසින් The Scream චිත්රය හතර වතාවක් නැවත නැවත තීන්තයෙන් හා පැස්ටල් වලින් නිර්මාණය කරනවා.. පසු කාලීනව ඇමරිකානු ඩොලර් මිලියන 120 ක වෙන්දේසි වන්නේ The Scream පැස්ටල් මාධ්ය චිත්රයයි..! 1994 දීත් 2004 දීත් සොරාගැනීමට ලක්වන මෙම චිත්රයන් මේ වන විට ඔස්ලො ජාතික චිත්ර තොගයෙහි ප්රදර්ශනයට තබා ඇත..!
තවමත් විවිධ අදහස් විවිධ තර්ක මෙම චිත්රය පිලිබඳ ඉදිරිපත් වන නමුත් මෙම චිත්රය ලෝක කලා සාහිත්යය තුල නොමැකෙන ස්ථානයක් රඳවාගෙන තිබෙනවාට කිසිඳු සැකයක් නැත..
- බුද්ධික විජේවර්ධන
Comments
Post a Comment