නීමෝ ගේ ගෙවත්ත - මුහුද යට වගාව

" මුහුද යට බෑලූන් ආකාරයේ වගා රාක්ක වල රතු ගෝවා, සලාද, බෝංචි හදනවා. දිනෙන් දින වැඩෙන මේ එලවලු වර්ග අතරට තව තවත් අලුත් එලවලු වර්ග රැසක් එකතු කෙරෙමින් පවතිනවා "

උඩ කතාව ඇහුවම නිකං විද්‍යා ප්‍රබන්ධයක කල්පිතයක් වගේ නේද? එහෙම හිතෙන එක සාධාරණයි. නමුත් විශ්වාස කරන්න බැරි දේවල් දවසින් දවස විද්‍යාවෙන් යථාර්ථයක් බවට පත් කරද්දි මුහුද යට වගාවත් ඒ වගේ යථාර්ථයක් බවට පත්⁣ වෙලා.  මේ වගාව සිදුවෙන්නෙ ඉතාලියේ, නෝලි වල  වෙරල තීරයෙන් මීටර් 100 ක් ඇතට වෙන්න පිහිටි තැනට මුහුද යට. Ocean Reef Group යන සංවිධානය ලොව දක්ෂතම කෘෂිකාර්මික තාක්ෂණවේදියොත් එක්ක එකතුවෙලා ආහාර නිපදවීමේ නව මානයන් සොයා යාමේ ගමනේ එක සංධිස්ථානයක් විදියට මේ "දිය යට කෘෂිකාර්මාන්තය" හඳුන්වන්න පුලුවන්. ඔවුන්ට අනුව "නීමෝ ගේ උද්‍යානය" ( Nemo's Garden ) ලෙස හඳුන්වන මෙම ව්‍යාපෘතිය 2012 දී ආරම්භ වූ අතර මේ වනවිට බැලූන් ආකාරයේ වගා බෝල 7 කින් සමන්විත වන අතර එක් එක් ⁣වගා බෝලයෙහි පැල බඳුන් 22 ක් අඩංගුය.

මෙම ව්‍යාපෘතියෙහි පැල වගා කිරීම සඳහා හයිඩ්‍රෝෆොනික ක්‍රියාවලිය ( පස රහිතව වගා කීරීම ) භාවිතා වන අතර ලවණහරණය මඟින් මුහුදු ජලය වගාවන් කෙරෙහි යොදාගනු ලබයි. තවද නියමිත ආලෝක තත්ව උෂ්ණත්වය ලබාදීම හා නියමිත අධ්‍යනයද නිරන්තරයෙන් සිදුකරයි.

Ocean Reef සංවිධානය මෙම ව්‍යාපෘතිය ව්‍යාපාරික මුහුණුවරකින් පවත්වාගෙන යාමට කටයුතු කරන නිසා ඒ හේතුවෙන් මෙම ව්‍යාපෘතිය මහා පරිමාණයෙන් දියුණු වනු දැකීමට හැකිය හැක. දැනටමත් නීමෝගෙ ගෙවතු වගාවෙන් රතු ගෝවා, සලාද, බෝංචි, Besil, ස්ට්‍රෝව්බෙරි නෙලාගන්නා අතරම ඉදිරියේදී මුහුද යට සෑදූ එලවලු යනුවෙන් දවටන අඩංගු කෑම වර්ග වෙළඳපොලේදී දැකගනීමට හැකි වෙනු ඇත.

වර්තමානයේ අැති භූමීයේ හිඟකමත්, භූමියේ වගාකිරීමේදී අැති වී තිබෙන තර්ජනත් හේතුවෙන් අහාර අර්බුදයකට දොරගලු විවරව ඇත. විශේෂම කරුණ නන් මේ මුහුද යට වගාව ව්‍යාප්ත වුවහොත් අලුත්ම වගාබිමක් හමූවුවා සේ ආහාර අර්බුදයට තිරසාර විසඳුමක් ලැබෙනු ඇත. නමුත් මුහුද යට ජීවීන්, ජලජ පැලෑටි කොටින්ම මුහුදු ජීවයටම එයින් තර්ජනයක් ද එල්ලවිය හැක. ඔබේ අදහස ?

- බුද්ධික විජේවර්ධන